كويت ريفيو (KR) عربي

List of Tax Free Goods

هذي قائمة بالسلع المعفية من الضريبة الجمركية (أضغط هنا)

فإذا طالبوك ارامكس او غيرهم بالـ5% رسوم جمركية على شحناتكم، وكانت شحناتكم موجودة بهاللستة، عطوهم هاللستة.

Coming Soon: Nokia N97 Mini

قبل شوي قريت عن هالجهاز بموقع انجادجت، والجهاز راح ينزل بالأسواق العالمية مع بداية الشهر القادم، مع العلم بأن الجهاز هو نسخة مصخرة من جهاز يحمل نفس الإسم طرح قبل سنة بالضبط في نوفمبر 2008، ويفرق هذا الجهاز المصغر عن الآخر فقط في الأبعاد والوزن وشاشة أصغر بحجم ماله داعي ينذكر لأن اصغر بشكل بسيط جداً، اما عن المساحة التخزينية الداخلية في هذا الجهاز هي 8 قيقابايت، والقديم كان 32 قيقا بايت، اما المواصفات الثانية مثل الكاميرا والجي بي اس فهي مثل القديم بالضبط، والتغييرات هي مجرد اللي قلتها، والجهاز حسب موقع انجادجت راح يكون سعره حوالي 667$ دولار، طبعاً لازم تنقص منه من 400 دولار الى 450 دولار وتشيل علامة الدولار ويصير سعره بالكويت !

How-to: Don't Pay 5% to ARAMEX

اللي يضحك بهالديرة، أن البعض يعتقد بأن الزبائن يسهل خداعهم، وهذا اللي سوته ارامكس مع عملاؤها معتقدة بأنها الأذكى لتفرض رسوماً لاتستحقها على عملاؤها، واعتقد بأن في طريقة وحدة للتقليل من الرسوم، بالأضافة الى معلومة قد تكون غير معلومة للجميع:

1- عند الشراء، اطلب من الشركة بأن تجعل سعر السلعة أقل من 100 دولار مهما كانت قيمتها، بلغهم بأن عندنا ضرائب عالية على الشحنات، وراح يتفهمون الأمر.

2- الموبايل، اللابتوب، والكمبيوتر (مااتكلم عن قطع الغيار والاكسسورات) ماعليهم اي ضريبة من الجمارك نهائياً، حتى لو الكمبيوتر مكلفك 10 الاف دولار، ماعليه اي ضريبة نهائياً !

الحين، كل اللي عليكم تدفعونه هو الدينار، وحاولوا تعطونهم دينار قديم مستخدم 20 الف مرة، واذا مقطع بعد لأنهم مايستاهلونه، يقدرون يزيدون الرسوم، بس مايسوون هالتمثلية اللي مالها داعي.

Blackberry BOLD 9700

إسبوع واحد لأطلاق جهاز بلاكبيري 9700 المعروف بإسم بولد2، الجهاز نفس القديم بالضبط ماعدا التغيير في حجم الشاشة وازالة التراكبول واستبدالها بتراك باد، وعندي بعض الشباب كارهين هالتراك باد بعد استخدامهم للكيرف الجديد، البروسسر وذاكرة الجهاز ..الخ، نفس ماهو ماتغيرت نهائياً. أنزين طوروا حطوا شي يسوى، طبعاً ماكو نهائياً، صاروا مثل النوكيا بالضبط، غير الشكل ونزل.

Review: GAUCHO GRILL

رحنا يوم السبت لمطعم قاوجو قرل، وطلبنا هالستيك اللي حاط صورتها وهالستيك اكلها اسد كان ويانا ذابحه الجوع. الاكل كان حلو بس الملح كان شوية، او تقريباً ماكو نوعاً ما، اما الستاف العامل في المطعم كان قمة في الروعة والتعامل والتوضيح لكافة الاطباق المتواجدة في المطعم، وكان افضل فريق عمل اشوفه بالمطاعم، والسعر كان شوي حبتين غالي لشخصين.