كويت ريفيو (KR) عربي

نكسس ون من قوقل وأتش تي سي

موبايل جديد من قوقل اتش تي سي اسمه نكسس ون او نكثث ون، الموبايل راح ينزل ببداية شهر يناير، وبالتحديد 5 يناير والجهاز مواصفاته حسب مااشوفه انها عادية ماعدا ميزة انه قائم على نظام اندرويد، مع 512 ميقابايت رام وروم، ومع الجهاز راح يكون ميموري كارد حجمه 4 قيقا، وكاميرا5 ميقا بيكسل

===

اما المواصفات الثانية مثل الوايرلس والثري جي .. ألخ، ماراح اتكلم عنها، لأن الموبايل بدونها مايسوى شي بهالوقت الحالي

===

السعر: 530 دولار .. غالي على جهاز مواصفاته عادية ومواده اعتقد رخيصة

بلاكبيري بيرل 2

جهاز جديد من بلاكبيري، أو أر اي ام، مواصفات الجهاز حسب صاحبنا اللي بالفيديو انه جيدة، والذاكرة الداخلية 120 ميقا على مااعتقد والمفروض تكون مو اقل من 1 قيقا، يعني لمتى طرارة الذاكرة ؟

=

احلى مافيه حجمه، بس مااعتقد اقدر اتعود عليه لأنه واضح راح اصير ابطأ بالكتابة، بالاضافة الى زيادة عدد البدليات اللي انا مشهور فيها

Review: Motorola Droid aka MILESTONE

ولا مرة جربت موبايل مع نظام اندرويد المقدم من قبل شركة قوقل، بس اعتقد راح اجربه مع هالموبايل ولا ان بالخاطر اجرب اكسبيريا 10اكس، لكن انا اكره الموبايل بدون كيبورد، صحيح ان الأيفون فيه برامج تساعدنا بكافة الأوجه وهو الأفضل، لكنه يظل بدون كيبورد ولا ينفع الا حق الوناسة وتضييع الوقت، والجهاز من نزل وانا اجربه، مافيه شي تغير نهائياً اللهم الإسم، كل يوم زايدين له حرف .. لو ضابط جان صار لواء الحين !

نرجع حق صاحبنا درويد، الجهاز تحدي واضح بين موتورولا وبين أبل، والأعلان يوضح هالشي، والجهاز فيه كيبورد وكاميرا 5 ميقابكسل ومعاه ميموري 8 قيقا وفيه جي بي اس وسعره بين الـ500 دولار الى 600دولار، والجهاز نزل بالأسواق الأمريكية بإسم درويد على ان ينزل بالأسواق العالمية بإسم: مايل ستون.

وصلة الإعلان

Video: Blackberry Bold 9700

Sony Ericsson XPERIA X10

المصدر: جي اس ام ارينا

جهاز جديد من سوني اريكسون تم تغيير نظام التشغيل فيه من وندز الى اندرويد المدعوم من قوقل، مما يعني اننا راح نشوف جهاز محترم مايعلق مع كل لمسة او يطفي، او يرد عليك: مالي خلق اسوي اللي تبيه سو رستات ولا طقني بالطوفة، مواصفات الجهاز رائعة ماعدا سيئة واحدة وهي عدم وجود كيبورد (لوحة مفاتيح بلغة اخرى)، طبعاً هالشي وياي راح يؤدي الى اخطاء املائية وبدليات للراس بحكم الخبرة السابقة مع جهاز الأيفون، بالإضافة الى ميزة اساسية رائعة، وهي ان سرعة الجهاز هي الأسرع بين الأجهزة الأخرى، تحديداً الأيفون الجديد بو حرف إس، والسوني اريكسون مو لازم تنافس الأيفون نهائياً، لأن مستواها اكبر من الأيفون، كان المفروض تنزل الـبي اس بي  للملعب وينافس الأيفون بدال هالنطرة على جهاز تقول تلفزيون من كبر الشاشة.